مست یمه،  مئین یمه ،  شاعر یمه

ساز یمه  ،  اواز یمه  ،   ساغر یمه


ما خو  ستا په سترګو  راوړے  دے 

وایه !  مسلمان  یم   کۀ  کافر  یمه


تۀ کۀ  په  سالم حسن  دې ناز کوې

زۀ هم په  دې مات زړګي غاور یمه


یو دې بس له  زلفو نه  وتے نۀ شم

نور   خو  د   ازاد    فکر  طائر  یمه


ما   ته   په   ژور   نظر   کتل  کوئ

رنګ  نۀ  یم  احساس د مصور  یمه


غواړمه  مسکا  د  هر  بشر  په  مخ

رادې  شی   اجل ، حسن ناصر   یمه


څهٔ پوښتۍ یارانو! رانه مه پوښتۍ

راز یم ، خو شعرونو کښې ظاهر یمه


کتاب: د زخمونه پسرلي 

شاعر :  سلیم راز